د بغلان د کرنې، مالدارۍ او اوبولګولو ریاست په همغږۍ د اغاخان بنیاد له لوري د دې ولایت په مرکزي بغلان ولسوالۍ کې د شاتو ۴۲ تولید کوونکو ته د مچیو د ساتلو بېلابېل توکي وېشل شوي.
د دغه ریاست ویاند «ولي امرخېل» ویلي، چې دغې مرستې څخه موخه د کوچنیو پانګوالو او متشبثینو څخه ملاتړ دی تر څو ستونزې یې حل او د توکو په برخه کې په ځان بسیا شي.
نوموړي زیاته کړې، چې په نږدې راتلونکې کې به د بغلان په بنو ولسوالۍ کې هم د شاتو په ۴۰ تولیدوونکو یاد توکي ووېشل شي.