شماری از تاجران در دیدار با ملامحمد نعیم آخوند، والی ننگرهار خاطرنشان کردند در نتیجه مسدود شدن ۹ روزه گذرگاه تورخم توسط پاکستان، تاجران افغان بیش از ۵۰ میلیون دالر ضرر کردند.این تاجران همچنین اظهارداشتند روزانه به ۳۰۰ تیلر از پاکستان اجازه ورود به افغانستان داده می‌شود اما در مقابل تنها ۳۰ موتر بار اجازه ورود به پاکستان را پیدا می‌کنند.در این دیدار همچنین تاجران تأکید کردند آنها اقدامات پاکستان را در قبال تجارت افغانستان بی‌انصافی می‌دانند.